یکم دسمبر توں ملک اُتے مہنگائی دا نوابم سٹن دی تیاری اے،شہباز شریف

اسلا م آباد(پنجابی میڈیا گروپ)پاکستان مسلم لیگ(ن)دے صدر تے قائد حزب قومی اسمبلی اختلاف شہبازشریف نے آکھیااے کہ یکم دسمبر توں ملک اتے مہنگائی دا نوا بم سٹن دی تیاری قابل مذمت اے تے غریباں اُتے ظلم اے۔موجودہ سرکارغریباں نوں کنگال تے ملکی معیشت نوں برباد کرچکی اے۔اللہ تعالی ایس ملک تے قوم اُتے خصوصی رحم فرمائے۔اوہناں نے اپنے بیان وچ ہورآکھیا کہ دوائی،کھانا،بتی،گیس مہنگی،روزگار ختم،ٹیکس اُتے ٹیکس،ایہہ اے نیا پاکستان؟آٹا،چینی،گھیو ہر شے مہنگی ہوگئی،قرض وی ودھدا جارہیا اے؟اپوزیشن لیڈر نے آکھیاکہ قرض تریخ دی بلند ترین سطح اُتے آپڑ گیاپر عوام نوں کجھ نہیں ملیا۔نہ ای ملک وچ کوئی بہتری آئی اے۔