پٹرول پمپاں دی ہڑتال دی آڑ وچ کجھ گروپ9روپے ودھاناچاہندے نیں،حماد اظہر

اسلام آباد(پنجابی میڈیا گروپ)وفاقی وزیر توانائی حماد اظہر نے آکھیااے کہ پٹرول پمپس دی ہڑتال دی آڑ وچ کجھ گروپس 9 روپے دا اضافہ چاہندے نیں ۔ چند کمپنیاں نوں نوازن لئی 9 روپے دا اضافہ نہیں کیتا جا سکدا۔ اپنے اک بیان وچ وفاقی وزیر توانائی نے آکھیا کہ جائز مطالبات مناں گے، ناجائز مطالبات تسلیم نہیں کراں گے، عوام نوں پریشان کرنا درست نہیں۔ حماد اظہرہوراں نے مزیدآکھیا اے کہ پٹرولیم ڈیلرز ایسوسی ایشن دے مطالبہ اتے مارجن وچ اضافے دی سمری پہلاں ای ای سی سی وچ پیش کر دتی گئی اے، آئندہ اجلاس وچ ایہدا فیصلہ ہو جاوے گا پر جائز مطالبہ تسلیم کیتا جاوے گا۔