وزیراعظم دا روسی صدر نال ٹیلی اُتے رابطہ،توہین رسالت دے خلاف بیان دی تعریف

لہور(پنجابی میڈیا گروپ)وزیراعظم عمران خان نے روسی صدر پوٹن نال ٹیلی فون اُتے رابطہ کر کے توہین رسالت دے خلاف بیان نوں سراہیا۔وزیراعظم نے روسی صدر نال دوطرفہ تعاون،باہمی دلچسپی دے علاقائی تے بین الاقوامی کماں اُتے تبادلہ خیال کیتا۔پاک روس قیادت نے گیس پائپ لائن منصوبے نوں چھیتی مکمل کرن دے عزم دا وی اعادہ کیتا۔عمران خان نے صدر پوٹن دے توہین رسالت دے خلاف بیان دی تعریف کردیاں ہویاں آکھیا کہ آزادی رائے دااظہار گستاخی دابہانہ نہیں بنایا جاسکدا۔اوہناں نے آکھیا کہ روسی صدر پہلے عالمی رہنما نیں جناں نے مسلماناں دے جذبیاں دااحساس کیتا۔وزیراعظم دا ہور کہنا سی کہ روسی صدر دے نال تجارت ودھان تے باہمی سانجھ اُتے وی گل بات ہوئی،روسی صدر نے میں پاکستان آن دی دعوت وی دتی۔