عزت تے شہرت میر ے اُتے قرض اے’ شبنم مجید

لہور (پنجابی میڈیا گروپ) نامورگلوکارشبنم مجید نے آکھیا کہ گلوکاری نے مینوں جنی عزت تے شہرت دتی اے میں نویں آن والیاں دی رہنمائی کر کے اوس دا قرض اُتارنا چاہندی ہاں، شبنم مجید نے آکھیا کہ ہن نویں ٹرینڈ متعارف ہو رہے نیں تے لوگ سوشل میڈیا اُتے منتقل ہو رہے نیں ایس لئی سبھ نوں ایس دی پیروی کرنا پئے گی۔خصوصی گل بات کردیاں ہویاں گلوکارہ نے آکھیا کہ ہر دور وچ تبدیلی آندی اے لیکن ہر دور دا اپنا لطف اے،بوہت ساریاں نویں ماڈل دیاں جدید گڈیاں آندیاں نیں لیکن بوہت سارے لوگ اینج دے ہین کہ وسائل ہون دے باوجود اپنی پسند دی پرانی گڈی نول انتہائی محبت نال سنبھالی رکھدے نیں کیونکہ اوہ اپنے دور نوں انجوائے کرنا چاہندے نیں۔