19 ورھے دی ساں جد طلاق ہوئی ، زویا ناصر

کراچی (پنجابی میڈیا گروپ)ماڈل و اداکارہ زویا ناصر نے آکھیا اے کہ اوہناں دا پہلا ویاہ انتہائی گھٹ عمر وچ کردتا گیا سی جیہڑا کسی وجہ اُتے طلاق اُتے ختم ہوگیا سی ۔اپنے اک انٹرویو وچ زویا ناصر نے پہلی وار اپنی زندگی دے سبھ توں وڈے راز توںپردہ چُکیا تے اعتراف کیتا کہ ویاہ دے کجھ ای عرصے بعد اوہناں دی طلاق ہوگئی سی۔دوران انٹرویو اوہناں نے شوبز کیریئر اُتے وی کھل کے گل بات کیتی تے آکھیا کہ اوہناں دا مننا اے کہ شروع وچ ای اداکاراں نوں مرکزی کردار ادا نہیں کرن چاہیدے ۔زویا ناصر دے مطابق ماضی وچ اک ڈرامے اندر کم کرن دے دوران اوہناں دی رنگ گورا کرن لئی انجکشن دی پیش کش وی کیتی گئی تے اوہناں نوں آکھیا گیا کہ گورے رنگ دے کردار لئی لازمی اے مگر اوہناں نے انکار کیتا۔