عروہ دا ”بدذات” آن ائیر’ رباب ہاشم دا ”انگنا” تیاریاں وچ

پچھلے ہفتے دو نویں ڈرامہ سیریلز دا آغاز ہویا اے جنہاں وچ اک دا ناں اے ”بدذات” تے دوجے دا ناں ”انگنا” اے۔ ”بدذات” وچ لیڈنگ کرداراں وچ عمران اشرف’ عروہ حسین تے علی عباس نیں جد کہ ”انگنا” وچ رباب ہاشم’ علی عباس دے نال مرکزی کرداراں وچ نیں جد کہ علی رحمان وی اہم رول کر رہے نیں۔ میونتھ امکائے انٹرٹینمنٹ دے روح رواں عبداللہ کادوانی تے اسد قریشی دے بینر ہیٹھ اپنے ناظرین لئی اک جذباتی پراجیکٹ تیار ہویا اے جہدے نمایاں ستاریاں وچ عمران اشرف’ عروہ حسین تے علی عباس دے نال محمود اسلم’ صبا فیصل’ نداممتاز’ زینب قیوم’ سدرہ نیازی’ زویا نثار تے ساجدہ سید شامل نیں۔ ”بدذات” فیملی دے گہرے مسئلیاں دے پس منظر وچ محبت دی مثلثل اتے مبنی لو سٹوری اے جہدی کہانی مصباح نوشین نے تحریر کیتی اے تے ہدایات سراج الحق نے دتیاں نیں۔ ولی تے دانیال اک دوجے دے کزن نیں لیکن اوہناں دے درمیان اختلاف نے بڑی خرابی پیدا کردتی اے۔ ولی نے غلطی نوں تسلیم کرنا تے اوہنوں صحیح کرنا سکھیا اے جد کہ دانیال دا مزاج اوہدے بالکل الٹ اے۔ عنابیہ جواں سال تے معصوم کڑی اے جہڑی ایس تصادم تے فیملی دے جھگڑیاں وچ پھسی ہوئی اے۔ شدید نوعیت دے جذبیاں تے خاندان دی خطرے وچ پئی اقدار دے واقعیاں نال بھرواں ڈرامہ سیریل ناظرین لئی دلچسپی دا کارن ہووے گا۔ ایس توں پہلے سیون
مکائی انٹرٹینمنٹ ”خانی’ فتور’ رنگ گل’ خدا اور محبت” تے کئی زبردست پراجیکٹس دے نال اہم سماجی مسئلے پیش کر چکیا اے جہڑے ”بدذات” وچ نمایاں کیتے گئے نیں تے ایہہ اوہناں دے مقبول ترین ڈرامیاں وچ اک ہور وادھا اے جہڑا ایس ویلے آن ائیر اے۔ سیونتھ سکائی انٹرٹینمنٹ پاکستان دی سب توں وڈی پریمیئر براڈ کاسٹ تے فلم انٹرٹینمنٹ کمپنی اے جہدے سربراہ عبداللہ کادوانی تے اسد قریشی نیں۔ پاکستان دی پریمیئر براڈ کاسٹ تے فلم انٹرٹینمنٹ کمپنی ہون دی حیثیت نال سیونتھ سکائی انٹرٹینمنٹ نے کئی بلاک بسٹر تے ایورارڈ وننگ سیریلیز پیش کیتے نیں جنہاں وچ ”شہرزاد’ میری ذات ذرہ بے نشاں’ دیوانگی’ راز الفت’ مہر پوش’ رنگ محل’ خدا اور محبت’ تے بہت سارے مقبول پراجیکٹس شامل نیں۔
دوجے پاسے ڈرامہ سیریل ”انگنا” وچ رباب ہاشم علی عباس دے مدمقابل مرکزی کردار ادا کر رہے نیں۔ ستاریاں نال بھری ایس سیریل وچ
علی رحمان’ اریبہ حبیب’ جاوید شیخ’ عتیقہ اوڈھو’ علی عباس’ دانیال افضل تے عاصم محمود شامل نیں۔ ”انگنا” اک فیملی ڈرامہ اے جہڑا زندگی دے دلچسپ پہلوواں تے خاص طور تے ویاہ مگروں زندگی دے پہلوواں دی ترجمانی کردا اے۔ ڈرامے توں متعلق گل کردے ہوئے رباب ہاشم داآکھنا سی کہ ایہہ ڈرامہ سیریل میرے دل دے بہت کول اے تے جہدی کاسٹ دے نال میں اداکاری کر رہی آں اوہ یقینا بہترین کاسٹ وچوں اک اے۔ شاید ایہو وجہ اے کہ اسیں اپنے تازہ ترین کم نوں اپنے ناظرین دے سامنے پیش کرن لئی ہن بوہتا انتظار نہیں کر سکدے۔ ”انگنا” آئی ڈریم انٹرٹینمنٹ دی پیشکش اے جہنوں ثمینہ اعجاز نے تحریر کیتا اے تے جہدی ہدایات تحسین خان تے ثاقب ظفر نے دتیاں نیں۔ ڈرامے دی تیاری وچ جناب عبداللہ خصوصی طور تے ایس گل نوں یقینی بنان وچ شامل رہے نیں کہ ہر چیز نوں بہترین طریقے نال انجام دتا جاوے۔ آئی ڈریم انٹرٹیمنٹ دے نال کم کرنا یقینا اک شاندار تجربہ رہیا اے۔ رباب ہاشم نے اپنے کیرئیر دا آغاز بطور چائلڈ رپورٹر دے کیتا۔ جدوں اوہ صرف 10سال دی سن۔ اوہناں نے اداکاری دا آغاز ”ناکہو تم میرے نہیں” توں کیتا تے ”پیامن بھائے’ مرضی’ منت’ کم ظرف’ میرے محسن’ قرار تے صلہ محبت سنے بہت سارے ڈرامیاں وچ مختلف کرداراں وچ اداکاری دے جوہر وکھائے۔

اپنا تبصرہ گھلو