حکومت دےاگےسمندرتے پیچھےعوام لے کےمیں کھڑاہاں،عمران خان

گجرانوالہ(پنجای میڈیا گروپ) پاکستان تحریک انصاف (پی ٹی آئی)کے چیئرمین عمران خان نے وزیر اعظم شہباز شریف تے مسلم لیگ (ن) دے قائد نواز شریف نوں مخاطب کرکے آکھیا کہ دوویں بھرا سوچ رہے نیں کیہ کریئے، پھس گئے نیں، حکومت دے اگے سمندر تے پچھے عوام نوں لے کے کھلوتا ہاں ، شہباز شریف نوں بڑا شوق سی اچکن سوان دا ، ہُن جواب دیاں گے۔ گجرانوالہ وچ عوامی جلسے نال خطاب کردیاں ہویاں اوہناں نے آکھیا کہ ایہ سیاست نہیں ہورہی بلکہ انقلاب آرہیا اے، جدوں مینوں بطور وزیرا عظم سازش دے ذریعے کڈھیا گیا اودوں قوم نے مٹھائی نہیں ونڈی بلکہ اوہ گھراں توں باہر نکل آئے۔اوہناں نے آکھیا کہ آصف علی زرداری خوش اے کہ ساری گالھاں وزیر اعظم شہباز شریف تے ن لیگ نوں پے رہیاں نیں ، واقعی آصف علی زرداری ساری ن لیگ تے بھاری اے، وزیر اعظم بن کے شہباز شریف نوں سمجھ نہیں آرہیا کہ کرنا کیہ اے۔عمران خان نے آکھیا کہ روپیا ڈگ رہیا اے ، ملکی معیشت دا برا حال اے، ایہناں نوں سمجھ نہیں آرہیا کرنا کیہ اے، شہباز شریف کہندا اے کہ مہنگائی ودھ رہی اے تے زرمبادلہ ڈگ رہیا اے ، شہباز شریف غلط فہمی وچ نہ رہنا اسیں تینوں نہیں چھڈاں گے ۔سابق وزیر اعظم نے کہا کہ شہباز شریف سمجھدا سی وزیر اعظم بن گیا تے ایف آئی اے کیس نہیں رہن گے۔