عورتاں نوں خودکش حملے لئی تیار کیتا جا رہیا اے:بلوچستان حکومت داانکشاف

اسلام آباد( پنجای میڈیا گروپ)بلوچستان حکومت دی ترجمان فرح عظیم شاہ نے آکھیا اے کہ بلوچستان وِچ بیرونی ہتھ ساڈیاں بلوچ عورتاں نوں استعمال کر رہے نیں،عورتاں نوں خودکش حملہ لئی تیار کیتاجا رہیا اے۔اسلام آباد وِچ پریس کانفرنس کرتے ہوئے ترجمان بلوچستان دا کہنا سی کہ کانٹر ٹیرر ازم ڈیپارٹمنٹ(سی ٹی ڈی)نے تربت وِچ کارروائی دے دوران مکان توں ختون نوںساتھی سَنے گرفتار کیتا،ختون نور جہاں تے اوس دی ساتھی دا تعلق کالعدم بی ایل اے دی ذیلی تنظیم مجید بریگیڈ نال اے۔آپریشن دے دوران خاتون اہل کار وی شامل سَن،مکان توں خودکش جیکٹ،کلاشنکوف،9کلو باروی مواد تے6ہینڈگرنیڈ ملے،مقدمہ درج کر کے ختون توں تفتیش کیتی جارہی اے،عدالت نے ختون تے اوس دی ساتھی دا7دِن لئی ریمانڈ دتا اے۔