الیکشن کمیشن نے پی ٹی آئی منحرف اراکان پنجاب اسمبلی نوں ڈی سیٹ کردِتا

اسلام آباد(پنجابی میڈیا گروپ)الیکشن کمیشن ولوں پاکستان تحریک انصاف دے25منحرف اراکانِ پنجاب اسمبلی نوں ڈی سیٹ کردِتا گیا۔معاملے اُتے محفوظ فیصلہ چیف الیکشن کمیشنر سکند سلطان راجہ ولوں سُنایا گیا۔جیہڑے25منحرف اراکاناں نوں ڈی سیٹ کیتا گیا اوہناں دے ناں ملک غلام رسول، سعید اکبر خان، محمد اجمل، عبدالعلیم خان، نذیر احمد چوہان، محمد امین ذوالقرنین، ملک نعمان لنگڑیال، محمد سلمان تے زوار حسین وڑائچ شامل نیں۔ ہور ڈی سیٹ ہون والے اراکاناں وِچ محمد طاہر، عائشہ نواز، ساجدہ یوسف، ہارون عمران گل، عظمی کاردار، ملک اسد علی، اعجاز مسیح، محمد سبطین رضا، محسن عطا خان کھوسہ، میاں خالد محمود، مہر محمد اسلم تے فیصل حیات شامل نیں۔اینہاں منحرف ارکاناں حمزہ شہباز نوں وزارت اعلی لئی ووٹ دِتا سی۔ڈی سیٹ اراکاناں دے ناں تے حلقے راجہ صغیر، پی پی7پنڈی،ملک غلام رسول سانگھا، پی پی83خوشاب،سعید اکبر نوانی، پی پی90بھکر،محمد اجمل چیمہ، پی پی97فیصل آباد،عبد العلیم خان، پی پی158لہور،نذیر چوہان، پی پی167لہور،امین ذوالقرنین، پی پی170لہور،ملک نعمان لنگڑیال، پی پی202ساہیوال،سلمان نعیم، پی پی217ملتان،زوار حسین وڑائچ، پی پی224لودھراں،نذیر احمد خان، پی پی228لودھراں،فدا حسین، پی پی237بہاولنگر،زہرا بتول،پی پی272مظفر گڑھ،لالہ طاہر، پی پی282لیہ،اسد کھوکھر،پی پی168لہور،محمد سبطین رضا،پی پی273مظفر گڑھ،محسن عطا خان کھوسہ،پی پی288ڈی جی خان،میاں خالد محمود،پی پی140شیخوپورہ،مہر محمد اسلم، پی پی127جھنگ،فیصل حیات جبوانہ،پی پی125جھنگ،عائشہ نواز،ڈبلیو322مخصوص نشست،ساجدہ یوسف ڈبلیو327مخصوص نشست،عظمی کاردار ڈبلیو311مخصوص نشست،ہارون عمران گل، این ایم364اقلیتی نشست،اعجاز مسیح، این ایم365اقلیتی نشست،الیکشن کمیشن ولوں جاری اعلامیے وِچ آکھیا گیا اے کہ سارے اراکاناں نوںپنجاب اسمبلی وِچ حمزہ شہباز نوں ووٹ پاون اُتے نااہل کیتا گیا۔تحریک انصاف ولوں مذکورہ ریفرنس دی سماعت دے دوران موقف اختیار کیتا گیا سی کہ منحرف اراکاناں نے پارٹی فیصلے دے برعکس مسلم لیگ ن دے رہنما حمزہ شہباز نوں ووٹ دِتا لہذا منحرف اراکان آئین پاکستان دے آرٹیکل63اے دی خلاف ورزی دے مرتکب ہوئے،اوہناں نوںسزا دے طور اُتے ڈی سیٹ کر دِتا جائے۔دُوجے پاسے منحرف اراکاناں ولوں اپنے دفاع وِچ کہنا سی کہ پنجاب اسمبلی اندر قائد ایوان دے حوالے نال تحریک انصاف دی قیادت نے کوئی ہدایات جاری نہیں کیتی سی۔سپریم کورٹ نے آرٹیکل63 اے دے صدارتی ریفرنس دے معاملے اُتے اپنی رائے وِچ آکھیاسی کہ منحرف رکن اسمبلی دا پارٹی پالیسی دے برخلاف دِتا گیا،ووٹ شمار نہیں ہوئے گا جدکہ تاحیات نااہلی یا نااہلی دے معیاد دا تعین پارلیمنٹ دی صوابدید اُتے چھڈیا گیا سی ۔خیال رہے کہ پی ٹی آئی دے منحرف ارکان اسمبلی نے وزیراعلی پنجاب دے الیکشن وِچ حمزہ شہباز نوں ووٹ دِتا سی جس توں بعد تحریک انصاف ولوں25منحرف اراکاناں دے خلاف ریفرنس گھلیا گیا سی۔