گاما پہلوان دے 144ویں جَنم دیہاڑاُتے گوگل داخراج تحسین

Gama Pehlwan

لہور(پنجابی میڈیا گروپ)52ورھے ناقابل شکست رہن والے گاما پہلوان دے144 واں جَنم دِیہاڑ اُتے گوگل نے ڈوڈل ذریعے اوہناں نوں خراج تحسین پیش کیتااے۔غلام حسین المعروف گاما پہلوان دے144ویں جنم دِیہاڑ اُتے گوگل نے اوہناں نوں ڈوڈل داحصہ بنایا۔اوہ22مئی1878 نوں بھارتی شہر امرتسر وِچ پیدا ہوئے،صرف10ورھے دِی عمر وِچ نامی گرامی پہلوان نوں چِت کر کے ہندوستان وِچ شہرت دے جھنڈے لا دِتے۔گاما پہلوان روزانہ5000بیٹکاں تے3000ڈنڈ لاندے سَن۔گاما بیٹھکاں لان لئی95 کلو وزنی بھاری ڈِسک چُکدے تے ورزش کردے سَن۔نیشنل انسٹیٹیوٹ آف سپورٹس میوزیم،پٹیالہ،پنجاب،بھارت وِچ اج وی ایہ ڈِسک موجود اے،گاما نوں مہاراجہ آف دتیہ روزانہ2بکریاںداگوشت،3سیر مکھن،6گیلن دودھ،3ٹوکریاں پھل،تے20پائونڈ بادام دی سردائی دیندا ہندا سی۔گاما پہلوان اپنے زمانے دے رستمِ زماںرہے۔

اپنا تبصرہ گھلو