ن لیگ نے اسپیکر پنجاب اسمبلی دے خلاف دوبارہ تحریک عدم اعتماد جمع کرادِتی

اسلام آباد/لہور(پنجابی میڈیاگروپ)پاکستان مسلم لیگ(ن)دے راہنما رانا مشہود احمد خان، خواجہ سلمان رفیق تے میاں نصیر نے انکشاف کیتا اے کہ اسیں اسپیکر پنجاب اسمبلی دے خلاف دوبارہ تحریک عدم اعتماد جمع کروا دِتی اے۔ایوان وزیراعلی وِچ پریس کانفرنس دے دوران رانا مشہود نے آکھیا کہ اج پارلیمانی تریخ دااک ہور سیاہ دِن سی،سابق وزیراعظم عمران خان دے خلاف تحریک عدم اعتماد اُتے ووٹنگ والے دن توں پاکستان وِچ اک طوفان بدتمیزی شروع اے، تَد تک کسی قنون نون نہیں منیاجارہیا۔اوہناں نے آکھیا کہ پارلیمانی روایت ایہی اے کہ اجلاس توں پہلاں بزنس ایڈوائزی کمیٹی دے اجلاس وِچ سَاریاں جماعتاں دی مشورت نال ایجنڈہ بنایا جاندااے،پرویز الہی اخلاقی،آئینی تے قنونی جواز کھو بیٹھے نیں،اوہناں نے اج اسمبلی دے دروازے بند رکھے،ساڈے اراکان موجود سَن لیکن اوہناں نے فسطائیت دی نویں مثال قائم کیتی اے۔