پٹرول دل اُتے پتھر رکھ کے مہنگا کیتا:وزیراعظم شہباز شریف

مانسہرہ(پنجابی میڈیاگروپ)پاکستان مسلم لیگ(ن)دے صدر تے وزیراعظم شہباز شریف نے ہزارہ لئی الیکٹرک کمپنی، میڈیکل کالج دی تعمیر تے طالب علماں نوںلیپ ٹاپ دین دا اعلان کردیاں ہویاں اپنے کپڑے فیر ویچن دا نعرہ لایا تے آکھیا کہ عمران خان نے جان توں پہلا ساڈے لئی جال سُٹیا،پٹرول دل اُتے پتھر رَکھ کے مہنگا کیتا،غریباں نوں ریلیف دے رہے ہاں،پنجاب وچ آٹا سستا کردتا،خیبر پختونخوا وچ وی قیمتاں گھٹ کراں گے،وزیراعلی نے24گھنٹے وچ جواب نہ دتا تے خادم حاضر اے ۔مانسہرہ وچ پاکستان مسلم لیگ(ن)دے جلسہ نال خطاب کردیاں ہویاں شہباز شریف نے آکھیا کہ نواز شریف نے پاکستان دی ترقی لئی دن رات محنت کیتی،موقع ملیا تے خیبرپختونخوا نوں پنجاب بنا کے وکھاواں گے،انا پرست شخص قوم نال دھوکا بازی کردا اے،50لکھ گھر بڑی دور دی گَل اے اک اِٹ وی نہیں لائی،پچھلی حکومت وچ لکھاں لوگ بے روزگار ہوئے، خیبرپختونخوا دی عوام نوں فیصلہ کرنا ہوئے گا کون تخریب کار اے تے کون تعمیرکار۔