دوبارہ اسلام آباد جاواں گے،ہُن کوئی روک نہیں سکے گا:عمران خان

چارسدہ(پنجابی میڈیاگروپ)پاکستان تحریک انصاف(پی ٹی آئی)دے چیئرمین تے سابق وزیراعظم عمران خان نے آکھیا اے کہ حقیقی آزادی دی جنگ جہاد اے،جد تک زندہ ہاں چوراں دے خلاف جدوجہد جاری رہے گی،دوبارہ اسلام آباد جان دیاں تیاریاں جاری اے،ہُن کوئی روک نہیں سکے گا،حق نہ ملیا تے کھو کے لاں گے۔چارسدہ وچ ورکرز کنونشن نال خطاب کردیاں ہویاں عمران خان نے آکھیا کہ لا الا اللہ لوکاں نوں آزاد کردا اے،جدوں پاکستان بنیا تے اک نعرہ سی،لا الا اللہ دا مطلب کسی دے ساہمنے نہیں جُھکاں گا،امپورٹڈ حکومت چوراںدی ساڈے اُتے مسلط کیتی گئی،اسیں کسی صورت امریکی غلاماں نوں قبول نہیں کراں گے،اسیں کسی صورت امریکی غلاماں نوں قبول نہیں کراں گے،چوراں دے خلاف حقیقی آزادی دی جنگ لڑن لئی نکلے ہوئے ہاں،جدوں کوئی قوم آزادی دی جنگ لڑدی اے تے اوہ جہاد اے۔سابق وزیراعظم نے آکھیا کہ ساڈے کارکن آزادی دی جنگ وچ شہید ہوئے نیں،ایہ سب مُلکی آزادی لئی نکلے سَن،جد تک زندہ ہاں اپنا جہاد چوراں دے خلاف ختم نہیں کراں گا،قوم نوں تیار کر رہیا ہاں، ہن اسیں اک اک چیز دی تیاری کراں گے،پُرامن احتجاج کرنا ہمارا جمہوری حق سی۔