شاہ محمود قریشی دا نیب ترمیم نوں عدالت وچ چیلنج کرن دااعلان

اسلام آباد(پنجابی میڈیاگروپ)پاکستان تحریک انصاف دے رہنما شاہ محمود قریشی نے نیب ترامیم نوں عدالت وچ چیلنج کرن دا اعلان کردیاں ہویاں آکھیا کہ نیب دے قنون تے انتخابی اصلاحات وچ تبدیلی اک خاص طبقے نوں فائدہ پہنچان لئی کیتی گئی اے،نیب ترامیم دامقصد پی پی تے ن لیگ دی قیادت نوں بچانا اے،سیکشن14دا فائدہ نواز شریف نوں ہوئے گا،سپریم کورٹ نوں معاملے اُتے ازخود نوٹس لیناچاہیدا اے،ملک ریاض تے آصف زردادی دی آڈیو بے بنیاد اے،عمران خان کسی ٹائیکون توں پیچ اپ کران دا نہیں کہہ سکدے،اسیںکیوں آڈیودی تحقیقات دا مطالبہ کریئے،ملک وچ صاف شفاف الیکشن لئی ساڈی جستجو جاری رہے گی۔وائس چیئرمین پاکستان تحریک انصاف دے رہنما شاہ محمود قریشی نے آکھیاکہ پی ڈی ایم مختلف گروپاں اُتے مشتمل اے اوہناں دا نصب العین وی مختلف اے۔