آڈیو لیک تے پردہ چاک،عمران نیازی نے این آر او دی بھیک مَنگی:حمزہ شہباز

لہور(پنجابی میڈیاگروپ)وزیراعلی پنجاب حمزہ شہباز شریف نے آکھیا اے کہ آڈیو لیک تے پردہ چاک ہوگیا،عمران نیازی نے این آر او دی بھیک مَنگی۔وزیراعلی پنجاب حمزہ شہباز نال ایاز صادق تے خواجہ سلمان رفیق دی ملاقات ہوئی،سیاسی صورتحال تے عوام نوںمہنگائی توں ریلیف دین لئی اقدامات اُتے تبادلہ خیال کیتا گیا۔ایس موقع اُتے حمزہ شہباز دا کہنا سی کہ عوام نے عمران نیازی دے انتشار مارچ دادھڑن تختہ کردِتا،آڈیو لیک توں واضح ہوگیا عمران نیازی این آر او دی بھیک مَنگ رہیا اے،آڈیو لیک نے سازش دا پردہ چاک کردِتا، عمران نیازی دے4ورھے عوام مہنگائی دی چَکی وِچ پس کے رہ گئی،اسیں آٹے دی قیمت گھٹ کر کے عوام دیاں مشکلات گھٹ کیتیاں۔

اپنا تبصرہ گھلو