عہدے آنی جانی چیز اے اصل کم مخلوق نوں راضی کرنا اے،حمزہ شہباز

لہور (پنجابی میڈیاگروپ)ہائی کورٹ ولوں حمزہ شہباز دا بطور وزیراعلی پنجاب الیکشن کالعدم قرار دتے جان توں بعد حمزہ شہباز نے فیصلے دے ردعمل اُتے آکھیا اے کہ عہدے آنی جانی چیز اے اصل کم اللہ دی مخلوق نوں راضی کرنا اے،ہمیشہ ونگوں اج وی عدلیہ دے فیصلے دا احترام کردے ہاں۔ ماڈل ٹائون وچ اراکین پنجاب اسمبلی نال گل بات کردیاں ہویاں اوہناں نے آکھیا کہ ایس فیصلے نال پنجاب وچ3مہینے توںجاری آئینی بحران ہمیشہ لئی ختم ہوجائے گا تے اُمید اے کہ ایس فیصلے دے اثرات صوبے دی عوام لئی خیر دا باعث بنیے گی،اوہناں نے آکھیا کہ سیاست برائے سیاست دا قائل نہیں بلکہ سیاست نوں خدمت دا درجہ دیندا ہاں،مخلوق خدا دی زندگیاں وچ آسانیاں پیدا کرنا میری زندگی دا مقصد تے دکھی انسانیت دی تکلیف دا مداوا میری سیاست اے۔

اپنا تبصرہ گھلو