لہور ہائی کورٹ دا فیصلہ، پی ٹی آئی،(ق) لیگ دا سپریم کورٹ جان دا فیصلہ

اسلام آباد(پنجابی میڈیاگروپ)لہور ہائی کورٹ دے فیصلے توں بعد پاکستان تحریک انصاف تے مسلم لیگ (ق) نے فیصلے دے خلاف سپریم کورٹ جان دا فیصلہ کرلیا۔تفصیل دے مطابق پنجاب اسمبلی دے سپیکر پرویز الٰہی نے رہنماء پی ٹی آئی بیرسٹر علی ظفر دی سربراہی وچ قنونی ٹیم نال مشاورت کیتی جس وچ لہور ہائی کورٹ دے فیصلے دے خلاف سپریم کورٹ نال رجوع کرن دا فیصلہ کیتا گیا اے۔ذرائع دے مطابق سپیکر پرویز الٰہی دی قنونی ٹیم نال مشاورت توں بعد قنونی پٹیشن دی تیاری شروع کردتی گئی۔ذرائع دے مطابق اجلاس وچ بریفنگ دتی گئی کہ تحریک انصاف دے5ارکان حج لئی گئے نیں،6ارکان ضروری کم نال ملک توں باہر نیں۔ بریفنگ وچ دسیا گیا اے کہ عدالتی فیصلے دے باوجود الیکشن کمیشن نے5ارکاناں دا نوٹیفکیشن جاری نہیں کیتا، ہائیکورٹ دے فیصلے وچ کئی آئینی تے قنونی ابہام موجود نیں۔اجلاس وچ فیصلہ کیتا گیا کہ سپریم کورٹ دے ساہمنے قنونی نکات رکھے جان گے۔