عطا اللہ تارڑ نے فرح خان دے لیگل نوٹس دا جواب گھل دتا

لہور( پنجابی میڈیاگروپ)پنجاب دے وزیر داخلہ عطا اللہ تارڑ نے فرح خان وَلوں گَھلے گئے6ارب بارے ہتک عزت دے لیگل نوٹس داجواب دے دتا۔فرح خان نے الزام لایا سی کہ عطا اللہ تارڑ نے مختلف میڈیا ٹاکس تے پریس کانفرنساں وچ مینوں فرح گوگی دے ناں توں پکاریا تے جان بُجھ کے میرے اُتے بے بنیاد الزام لائے جس نال میری ہتک عزت ہوئی تے میری عزت نُوں نقصان اپڑیا۔وکیل عطا اللہ تارڑ دے مطابق فرح خان پہلاں وی ہر جگہ فرح گوگی دے ناں توں مشہور اے تے اوہناں دا ناں بطور فرح گوگی گوگل سرچ انجن وچ وی موجود اے، فرح خان ولوں میرے موکل عطا اللہ تارڑ اُتے لائے گئے الزام غلط تے بے بنیاد نیں۔