کرک:بارشاں نال تباہی،کئی علاقے ڈُوب گئے

کرک(پنجابی میڈیاگروپ)رات ویلے جاری مون سون دی موسلادار بارش نے تباہی مچا دتی،تحصیل تحت نصرتی دے درجناں علاقے زیر آب آگئے،بارش دا پانی گھراں وچ داخل ہو گیا،دیواراں ڈِگ گیاں،دُکاناں تے گھر تباہ ہوگئے۔گھراں تے دکاناں دا ساہمان بارش دا پانی نال لئے گیا، گھراں وچ پانی داخل ہون پاروں عوام کھلے آسمان تھلے آ گئی، بارش نال لکھاں دا نقصان ہویا، عوام اپنی مدد آپ اپنے کماں وچ مصروف نیں جدکہ انتظامیہ مکمل طور غائب اے۔محکمہ موسمیات نے ہور بارشاں دی پیشگوئی کر دتی جس نال وڈے پیمانے اُتے نقصان دا اندیشہ اے، تخت نصرتی دیاں گلیاں بازار تے محلے ندی نالیاں تے تالاباں دا منظر پیش کر رہے نیں۔