اسمبلیاں اپنی مدت پوری کرن گیاں، پی ڈی ایم تے اتحادی جماعتاں دا فیصلہ

لہور( پنجابی میڈیاگروپ)پاکستان ڈیمو کریٹک موومنٹ(پی ڈی ایم)تے حکومتی اتحاد نے ویلے توں پہلاں الیکشن نہ کروان دا فیصلہ کیتا اے۔اہم ترین اجلاس وچ آصف زرداری، فضل الرحمان تے ہور جماعتاں دے قائدیناں رَلت کیتی،ضمنی الیکشن وچ بدترین صورتحال توں بعد دی صورتحال دا جائزہ لیا گیا، رَلتیاں نوں صوبائی اسمبلی وچ نمبر گیم اُتے بریفنگ وی دتی گئی۔پارٹی ذرائع دے مطابق لہور وچ پی ڈی ایم تے اتحادیاں دے اجلاس دا انعقاد کیتا گیا، اجلاس وچ پی ڈی ایم تے حکومتی اتحاد نے ملک وچ ویلے توں پہلاں نہ کروان دا متفقہ فیصلہ کیتا۔ایس حوالے نال پارٹی ذرائع نے ہور دسیا کہ پہلے توں پہلاں الیکشن عمران خان دے دبا اُتے نہیں بلکہ حکومتی اتحاد دے متفقہ فیصلے نال ہون گے تے اسمبلیاں اپنی مدت پوری کرن گیاں۔اجلاس وچ فیصلہ کیتا گیا کہ عمران خان دے اداریاں دے خلاف بیانیے دا توڑ کرن لئی نوا حکومتی بیانیہ لانچ کیتا جائے گا جدکہ پی ڈی ایم قیادت نے عمران خان ولوں اداریاں اُتے تنقید دی شدید مذمت کیتی ۔وفاقی وزیر ہور آکھیا کہ عمران خان چاہندے سن کہ اوہ ساریاں20 سیٹاں جت جان، اینج نہیں ہویا تے اوہ الیکشن کمیشن اُتے حملہ آور ہو گئے،تحریک عدم اعمتاد دا مقابلہ کرن دی بجائے عمران خان آئین اُتے حملہ آور ہوئے۔مریم اورنگزیب نے آکھیا کہ عمران خان نے چور دروازے توں چیف الیکشن کمشنر نال ملاقات دی کوشش کیتی جس طرح اوہ جاوید اقبال نال کردے سن تے ڈی جی ایف آئی اے نال کردے سن، جد چیف الیکشن کمشنر نے ملن توں انکار کیتا تے فیر ایہ اوہناں دے خلاف ہو گئے۔

اپنا تبصرہ گھلو