بھارت دے پاکستان مخالف مذموم عزائم خاک وچ مل گئے: وزیراعظم

اسلام آباد: وزیر اعظم عمران خان دا کہنا اے ڈونلڈ ٹرمپ دا پاکستان دی کاوشاں دا اعتراف سفارتی کامیابی اے، بھارت دے پاکستان مخالف مذموم عزائم خاک وچ مل گئے۔ وزیراعظم دی زیر صدارت وفاقی کابینہ دا زیرو آور اجلاس ہویا۔ اجلاس وچ 11نکاتی ایجنڈے تے غور کیتا گیا، جد کہ وفاقی کابینہ نوں بجلی دی قیمتاں تے احساس پروگرام وچ ارکان پارلیمنٹ دے کردار تے ہنرمند پروگرام بارے بریفنگ دیندیاں دسیا گیا پروگرام دے تحت 1لکھ 70ہزار بالاں نوں ہنر فراہم کیتا جاوے گا۔

اجلاس وچ بے نظیر ایئر پورٹ دے آلے دوالے کثیر المنزلہ تعمیرات دی اونچائی دے حد دا تعین کرن، مہر علی شاہ دی بطور کمشنر انڈس واٹر مدت ملازمت وچ تن مہینے توسیع، نیشنل سکیورٹی ڈویژن دے رولز آف بزنس وچ ترمیم، صدر مملکت عارف علوی، اختر مینگل تے سینیٹر جہانزیب جامالدینی دی سکیورٹی دے علاوہ دیامر، بھاشا ڈیم دی سکیورٹی لئی 433ممنوعہ بور لائسنس اجرء دی منظوری دتی گئی، جد کہ کابینہ نے صحافیاں تے میڈیا نال وابستہ بندیاں دے تحفظ دے بل دی وی منظوری دتے دتی۔

اجلاس وچ امریکی صدر ٹرمپ دے پاکستان بارے بیان دا تذکرہ ہویا، وفاقی کابینہ دا کہنا سی بھارتی وزیراعظم نریندر مودی امریکی صدر ٹرمپ توں پاکستان مکالف بیان دوان وچ نکام رہیا، کابینہ ارکان نوں سفارتی کامیابیاں نوں اجاگر کرن دی ہدایت دیندیاں وزیراعظم عمران خان دا کہنا سی ٹرمپ پاکستان دی کاوشاں دا اعتراف سفارتی کامیابی اے، بھارت دے پاکستان مکالف مذموم عزائم خاک وچ مل گئے۔