27فروری: پاکستان دے ہتھوں بھارتی ہزیمت دی یادگار تیار، میڈیا دا دورہ

اسلام آباد: 27فروری 2019تریخ ساز دن دی مناسبت نال ایل او سی تے بھمبر وچ پاکستان دے ہتھوں بھارتی ہزیمت دی یادگار تیار کر لئی گئی جتھے میڈیا دا دورہ کرایا گیا۔ پاکستانی قوم تے مسلح افواج نے دفاع وطن لئی کمال یکجہتی دا مظاہرہ کیتا۔ پاکستان نے ہمیشہ بھارتی جارحیت دا دہلا دین والا جواب دتا۔ پاکستان دی مسلح افواج نے بھارت نوں ہر محاذ تے شکست فاش دتی۔

دشمن نے پاکستان دا رخ کیتا تے مسلح افواج نے اوہنوں دبوچیا تے زمین تے دے ماریا، بھارتی تباہ شدہ مگ 21دا پائلٹ ونگ کمانڈرا بھی نندن گرفتار ہویا۔ ایل او سی تے بھارتی دہشت گردی دا شکار آبادی نے اپنا غصہ بھارتی پائلٹ تے کڈھیا جد کہ پاک فوج نے بھارتی پائلٹ نوں مقامی آبادی دے غیض و غضب توں بچایا، پاکستانی مسلح افواج نے جنگی ماحول وچ وی سارے عالمی قوانین دی مکمل پاسداری کیتی، پاکستان نے سارے انسانی، اخلاقی تے سفارتی تقاضے پورے کیتے۔