مسلماناں دے قتل عام توں مودی دا اقلیتاں نال ہمدردی دا ناٹک بے نقاب ہو گیا: شہبازشریف

لندن: قومی اسمبلی وچ قائد حزب اختلاف شہباز شریف دا کہنا اے مسلماناں دے قتل عام توں مودی دا اقلیتاں نال ہمدردی دا ناٹک بے نقاب ہو گیا۔ شہباز شریف نے بھارت وچ مسلماناں دے قتل عام تے مذہبی مقامات دی بے حرمتی دی شدید مذمت کردیاں آکھیا مودی نے گجرات دی تریخ دلی وچ دہرائی، امریکا نوں سوچنا ہووے گا کہ اوہ تباہ کن ہتھیار جنونی دے ہتھ وچ دے رہیا اے جہناں دے پاگل پن نال خطہ پہلاں ای خطرے نال دوچار اے۔ شہباز شریف نے آکھیا بھارتی مسلماناں دے منظم قتل عام توں نازی ہٹلر دے دور دی یاد تازہ ہو گئی جد کہ امریکی صدر نوں اپنے دورے دے دوران مسلماناں دے قتل عام تے مذہبی مقامات دی بے حرمتی دی مذمت کرنی چاہیدی اے۔