بھارت خطے دے امن و امان نوں تہہ و بالا کرن دے در تے ہے: وزیر خارجہ

اسلام آباد: وزیر خارجہ شاہ محمود قریشی دا کہنا اے بھارت خطے دے امن و امان نوں تہہ و بالا کرن دے در تے ہے۔ دفتر خارجہ اسلام آباد وچ ’کافی ٹائم‘ دے عنوان توں بین الاقوامی میڈیا دے نال ملاقات دے سلسلے دا آغاز ہو گیا۔ ایس موقع تے وزیر خارجہ شاہ محمود قریشی آکھیا پروگرام دا مقصد پاکستان دی خارجہ پالیسی ملکی ترجیحات نوں موثر انداز وچ اجاگر کرنا اے، ایف ایم کنیکٹ دے تحت ملاقاتاں دا ایہ سلسلہ تواتر دے نال جاری رہوے گا۔ وزیر خارجہ آکھیا پاکستان خطے وچ امن و امان دا خواہاں اے، امریکی کانگریس کمیشن رپورٹ نے جمہوریت دی جھوٹی دعویدار بھارت سرکار نوں بے نقاب کر دتا جد کہ بھارت خطے دے امن و امان نوں تہہ و بالا کرن دے در تے ہے۔ وزیر خارجہ آکھیا پاکستان مذہبی آزادی تے رواداری دے زریں اصولاں تے عمل پیرا اے جہدا ثبوت کرتارپور راہداری اے، پاکستان، افغان امن عمل لئی اپنا مصالحتی کردار خلوص نیت نال ادا کردا رہوے گا جد کہ اسلام دے اصل تشخص نوں اجاگر کرن لئی پاکستان، ملائیشیا تے ترکی جلد مشترکہ ٹی وی چینل دا آغاز کرن جا رہے نیں۔

اپنا تبصرہ گھلو