قومی ٹیم نے بہادری نال مقابلہ کیتا ، انگلینڈ ٹیم نو مبارکباد،وزیراعظم

لہور(پنجابی میڈیا)وزیراعظم شہباز شریف تے صدر مملکت ڈاکٹر عارف علوی نے ٹی20ورلڈ کپ جیتن اُتے انگلینڈ دی کرکٹ ٹیم نوں مبارکباد دتی اے۔خیال رہے کہ انگلینڈ نے پاکستان نوں فیصلہ کن معرکے وچ5وکٹ توں شکست دے کے دُوجی وار چیمپئن بنن دا اعزاز حاصل کیتا۔قومی ٹیم دی شکست اُتے سماجی رابطے دی ویب سائٹ ٹوئٹر اُتے پیغام جاری کردیاں ہویاں وزیراعظم شہباز شریف نے لکھیا کہ پاکستانی ٹیم نے سخت تے بہادری نال مقابلہ کیتا،شاندار بالنگ پَرفارمنس دتی گئی لیکن انگلینڈ نے اج بہتر کھیڈ کھیڈیا ۔ اوہناں نے اپنے ٹوئٹ وچ ہور لکھیا کہ ایس میگا ٹورنامنٹ دے فائنل میچ وچ جگہ بنان اُتے ساہنوں اپنے کھیڈاریاں اُتے فخر اے۔صدر عارف علوی صدر مملکت ڈاکٹر عارف علوی نے وی سماجی رابطے دی ویب سائٹ ٹوئٹر اُتے اپنے پیغام وچ لکھیا کہ عمدہ آل رانڈر کارکردگی دا مظاہرہ کردیاں ہویاں کپ جتن اُتے انگلینڈ نوں مبارک دیندا ہاں۔اپنے ٹوئٹ وچ اوہناں نے لکھیا کہ پاکستان ٹیم تُسی چنگا کھیڈیا، گھٹ سکور دے باوجود چنگی باولنگ کیتی تے اپنی پوری کوشش کیتی۔