ممنوعہ فنڈنگ کیس:اکائونٹ لئی عمران خان دے دستخط،پی ٹی آئی لیٹر ہیڈ استعمال ہون داانکشاف

لہور( پنجابی میڈیا گروپ)ایف آئی اے نے عمران خان دے خلاف ممنوعہ فنڈنگ کیس دا جواب عدالت وچ جمع کروا دتا،جس وچ انکشاف کیتا گیا اے کہ اکائونٹ کھلوان لئی عمران خان دے دستخط تے پی ٹی آئی دا لیٹر ہیڈ استعمال کیتا گیا سی ۔ میڈیا دے مطابق وفاقی تحقیقاتی ادارے(ایف آئی اے )نے عمران خان دے خلاف ممنوعہ فنڈنگ کیس دا جواب عدالت وچ جمع کروا دتا۔4صفحیاں اُتے مشتمل جواب وچ دسیا گیا اے کہ اکائونٹ کھلوان لئی عمران خان دے دستخط تے پی ٹی آئی دا لیٹر ہیڈ استعمال ہویا جد کہ لہور وچ نجی بینک دی گلاب دیوی برانچ وچ پاکستان تحریک انصاف پنجاب دا اکائونٹ چلایا جارہیا سی۔الیکشن کمیشن دی رپورٹ دے مطابق وی پی ٹی آئی پنجاب ایس اکائونٹ نوں چلا رہی سی ۔ تحقیقات وچ ساہمنے آیا اے کہ اکائونٹ عمران خان دے دستخط نال کھلوایا گیا ۔ ایس حوالے نال چیئرمین پی ٹی آئی نوں کال آپئی نوٹس جاری کیتا۔ عمران خان توں پچھ گچھ لئی نوٹس قنون دے مطابق جاری کیتا گیا،جَِد کہ پی ٹی آئی نے اوس نوں مَنن توں اوہناں کر دتا اے۔