بشری بی بی دے نال مبینہ آڈیو لیک:کوئی گھڑی لئی نہ ویچی،زلفی بخاری دی تردید

اسلام آباد( پنجابی میڈیا گروپ)پاکستان تحریک انصاف دے رہنما زلفی بخاری نے پی ٹی آئی دے چیئرمین تے سابق وزیراعظم عمران خان دی گھر والی بشری بی بی دے نال مبینہ لیک آڈیو دی تردید کردیاں ہویاں اوس نوں جعلی قرار دیندیاں ہو یاں فرانزک دا مطالبہ کر دتا ۔ خیال رہے کہ سابق خاتون اول عمران خان دی گھر والی بشری بی بی دی پی ٹی آئی دے سوشل میڈیا ہیڈ ارسلان خالد توں بعد ہُن تحریک انصاف دے رہنما زلفی بخاری دے نال مبینہ آڈیو سامنے آئی اے ۔ آڈیو دے حوالے نال ردعمل دیندیاں ہویاں زلفی بخاری نے اکھیا کہ پہلاں آکھیاجا رہیا سی کہ عمر ظہور نامی شخص نوں گھڑیاں ویچیاں گئیاں، اوہناںنوں لیگل نوٹس گھلیا تے ہُن نویں کہانی ساہمنے آگئی کہ اصل وچ ایہ گھڑی میرے ذریعے ویچی گئی، میں واضح کردیاں کوئی گھڑی نہ میں نے لئی نہ میں ویچی۔اوہناں نے ہور آکھیا کہ ایس طرح دی آڈیو کالج دے بچے وی بنا لیندے نیں، فوری اوس دا فرانزک کرایا جائے، میں اوس دے پیسے اپنی جیب توں دین نوں تیار ہاں۔