عمران خان شیشے دے گھر وچ بیٹھ کے پتھر نہ مارن، فضل الرحمان

کوئٹہ( پنجابی میڈیا)سربراہ جمعیت علما اسلام(ف)مولانا فضل الرحمان نے چیئرمین پاکستان تحریک انصاف عمران خان اُتے تنقید کردیاں ہویاں آکھیا کہ شیشے دے گھر وچ بیٹھ کے پتھر نہ مارن ۔کوئٹہ وچ جمعیت علما اسلام(ف)کے ورکرز کنونشن نال خطاب کردیاں ہویاں مولانا فضل الرحمان نے آکھیا کہ دنیا دی کوئی طاقت ساڈیاں صفاں وچ دراڑ پیدا نہیں کرسکدی،بلوچستان دا مستقبل ہُن جمعیت علما اسلام نال وابستہ اے، پارٹی وچ شامل ہون والیاں شخصیتاں نوں خوش آمدید کہندا ہاں ،پاکستان نوں اسلامی تے خوشحال بنان لئی ساڈا قافلہ اگے وَدھ رہیا اے جیہڑا منزل اُتے پہنچ کے ہی دم لئے گا ۔ سربراہ جے یو آئی تے سربراہ پی ڈی ایم نے چیئرمین تحریک انصاف عمران خان اُتے تنقید کردیاں ہویاں آکھیا کہ ہر اک نوںچورچورکہنا کیا اینہاں ہی تہاڈا منشور اے جدکہ خود گھڑی چور اے، زیادہ گلاں ناکرو ورنہ اسیں وی منہ وچ زبان رکھدے ہاں، شیشے دے گھر وچ بیٹھ کے پتھر نہ ماریا کرو۔ اوہناں نے آکھیا کہ ریاست مدینہ دے نام اُتے عوام نال دھوکہ کیتا گیا، 2018 وچ اقتدار اسرائیل نوں تسلیم کران لئی حاصل کیتا گیا ، اسیں ویلے اُتے میدان وچ نکل کے ایس منصوبے نوں نکام بنایا۔