ترکیہ و شام وچ زلزلہ نے تباہی مچادتی،2000 توں وَدھ ہلاک،ہزاراں زخمی

انقرہ/دمشق/اسلام آباد(پنجابی میڈیاگروپ)ترکیہ دے جنوب و شمالی شام وچ7.8شدت دے زلزلے نے تباہی مچادتی جس دے نتیجے وچ2000توں وَدھ افراد ہلاک تے ہزاراں زخمی ہوگئے،زلزلے ویلے لوگ گھراں وچ سو رہے سن،کئی شہراں وچ عمارتاں زمین بوس ہوگئیاں جس پاروں ہلاکتاں وَدھن دا خدشہ اے، ترکیہ وچ ایمر جنسی نافذ کر کے غازی انتپ تے حاطے ائیرپورٹ اُتے سول پروازاں معطل کردتیاں گئیاں،صوبہ حاطے وچ قدرتی گیس پائپ لائن وچ اگ لگ گئی،احتیاطی تدبیراں اُتے حاطے وچ قدرتی گیس دی فراہمی روکنا پئی،دل ہلا دین والی ویڈیو سوشل میڈیا اُتے وائرل ہوگئی جدکہ صدر مملکت عارف علوی،وزیر اعظم شہباز شریف تے دفتر خارجہ نے زلزلے دے نتیجے وچ ہونے والی جانی و مالی نقصان اُتے اظہار افسوس کردیاں ہویاں آکھیا اے کہدکھ کی اس گھڑی میں ترک بھائیوں کے ساتھ کھڑے ہیں۔تفصیلات کے مطابق امریکی جیولوجیکل سروے نے بتایا کہ جنوب مشرقی ترکیہ وچ7.8شدت دا شدید زلزلہ آیاجس نال کئی شہراں وچ عمارتاں زمین بوس ہوگئیاں ،پڑوسی ملک شام وچ وی نقصان ہویا۔امریکی ایجنسی دے مطابق زلزلہ مقامی ویلے دے مطابق صبح4وج کے17منٹ اُتے تقریباً17.9کلومیٹر دی گہرائی وچ آیا، جس دے15منٹ بعد6.7شدت دا آفٹر شاک وی آیا۔ترک میڈیا دے مطابق زلزلے دے شدید ترین جھٹکے اک منٹ تک محسوس کیتے گئے،جھٹکیاں پاروں لوگ سڑکاں اُتے نکل آئے تے آفٹر شاکس دا سلسلہ جاری رہن پاروںکئی گھنٹے کھلے آسمان تھلے رہیے۔