شریف،زرداری گینگ پنجاب دشمنی اُتے اُتر آیا اے،عمرسرفرازچیمہ

لہور(پنجابی میڈیاگروپ)پاکستان تحریک انصاف دے رہنما عمرسرفرازچیمہ نے آکھیا اے کہ شریف،زرداری گینگ پنجاب دشمنی اُتے اُترآیا اے،10مہینیاں وچ پی ڈی ایم نے صرف چوراں نوں ریلیف دتا۔میڈیا نال گل بات کردیاں ہویاں اوہناں نے آکھیا کہ عمران خان دے دور وچ6فیصد اُتے معیشت گروتھ کر رہی سی،عمران دے دوروچ نویاں فیکٹریاں لگ رہیاں سن ،10مہینیاں بعد نااہل، نالائق ٹولے نے معیشت تباہ کردتی۔پی ٹی آئی رہنما دا کہنا سی کہ عمران خان دی حکومت وچ عوامی فلاحی منصوبے شروع کیتے گئے،عمران خان نے ہرخاندان نوں10لکھ تک علاج دی سہولت دتی،ہیلتھ کارڈ ذریعے غریب اپنا مفت علاج کرا سکدے نیں۔عمرسرفرازچیمہ نے آکھیا کہ چچا، بھتیجی فون اُتے ہیلتھ کارڈ بند کرن دیاں گلاں کر رہے سن،شریف،زرداری گینگ پنجاب دشمنی اُتے اُترآیا اے،ایہ عوامی منصوبیاں نوں بند کرنا چاہندے نیں،انشا اللہ کجھ ہفتیاں دی گل اے اقتدار وچ آ کے عوامی منصوبیاں نوں بحال کرن گے۔

اپنا تبصرہ گھلو