نگران پنجاب حکومت دا زمان پارک واقعہ دی تحقیقات لئی جے آئی ٹی بنان دا اعلان

لہور( پنجابی میڈیاگروپ)نگران پنجاب حکومت نے زمان پارک واقعہ دی تحقیقات لئی جے آئی ٹی بنان دا اعلان کر دتا۔لہور وچ پریس کانفرنس کردیاں ہویاں نگران وزیراعلی پنجاب محسن نقوی نے آکھیا اے کہ پچھلے 5 توں 7 دناں وچ ہون والے واقعات اُتے جے آئی ٹی بنان دا فیصلہ کیتا اے، ساریاں چیزاں دی انویسٹی گیشن کیتی جائے گی، اج شام تک جے آئی ٹی دااعلان کر دتا جائے گا۔محسن نقوی نے آکھیا اے کہ ساہنوں ہر صورت حکومت دی رٹ قائم کرنی اے، جیتھے جیتھے مسائل آرہے نیں حل کرن دی کوشش کررہے ہاں۔اوہناں نے آکھیا اے کہ عمران خان دی رہائشگاہ زمان پارک وچ ات گرد موجود نیں، آئی جی توں اکھیا پی ٹی آئی نوں اک ڈیڈ لائن دے دیاں، آئی جی توںآکھیا کہ آپ نوں کھلی چھٹی اے، ہن ایسا جواب دیاں گے کہ یاد رکھاں گے، کوئی ہتھ ودھائے گا تے ہتھ توڑاں گے۔محسن نقوی دا کہنا سی کہ پی ٹی آئی رہنماواں نے پلس دی گڈی نوں توڑیا، پلس اہلکاراں نوںروک کے اسلحہ کھویا گیا، کوئی سیاسی ورکراینج دی حرکت نہیں کردا، زمان پارک وچ پنجاب دے باہرتوں لوگ آئے ہوئے نیں، حکومت دی ہرصورت رٹ قائم کراں گے۔

اپنا تبصرہ گھلو