اعلی عدلیہ وی اک شخص اگے بے بس نظر آرہی اے: احسن اقبال

اسلام آباد( پنجابی میڈیاگروپ)وفاقی وزیر برائے منصوبہ بندی احسن اقبال نے آکھیا اے کہ اج ملک وچ نظام عدل ڈِگدا ہویا نظر آرہیا اے تے اعلی عدلیہ وی اک شخص اگے بے بس نظر آرہی اے ۔ اسلام آبادوچ میڈیانال گل بات کردیاں ہویاں احسن اقبال نے آکھیا کہ عمران خان خودکش بمباربن کے ایس نظام دے خلاف 2 اسمبلیاں توں مستعفی ہوئے، پاکستان عمران خان دیاں ناقص پالیسیاں توں نکلن دی کوشش کررہیا اے ۔ اوہناں نے آکھیا کہ پاکستان وچ معاشی مسائل گھمبیر ہو چکے نیں ، آئی ایم ایف نال معاہدہ آخری مرحلے وچ اپڑ چکیا اے جد کہ عمران خان نے ماضی وچ آئی ایم ایف ڈیل نوں نقصان پہنچایا۔احسن اقبال دا کہنا سی کہ اج ملک وچ نظام عدل ڈِگدا ہویا نظرآرہیا اے، اعلی عدلیہ وی اک شخص اگے بے بس نظر آرہی اے، عمران احمد نیازی دبا ذریعے عدالتاں توں اپنی پسند دے فیصلے لے رہیا اے، جیہڑی فراخدلی عمران نیازی نال کیتی جارہی اے اوہ عام سائل نوں وی دتی جائے۔