پی ٹی آئی دا جلسہ حکومت دے خلاف ریفرنڈ م ثابت ہوئے گا،پرویزالٰہی

لہور(پنجابی میڈیاگروپ)سابق وزیر اعلی چودھری پرویز الہی نے آکھیا اے کہ انشا اللہ 22 مارچ نوں پی ٹی آئی دا جلسہ حکومت دے خلاف ریفرنڈم ثابت ہوئے گا ۔ پاکستان تحریک انصاف دے مرکزی صدر چودھری پرویز الہی نے آکھیا کہ پی ٹی آئی رہنماواں دے گھراں اُتے غیر قنونی چھاپیاں نال دراصل حکمراناں دی گھبر اہٹ ظاہر ہو رہی اے، مریم نواز صوبیاں دے درمیان نفرت پیدا نہ کرے ۔ چودھری پرویزالہی نے آکھیا کہ خیبرپختونخواہ دی عوام نوں بدنام کرن اُتے شرم آنی چاہیدی اے، مریم نواز دُوجیاں اُتے تنقید کرن توں پہلاں اپنے گھر نوں ٹھیک کرن ۔اوہناں نے آکھیا کہ محسن نقوی نوں اجے تک زمان پارک دے ڈرانے خواب آ رہے نیں، اوہناں زمان پارک اُتے حملہ کرن دا سبق مل گیا ہو ئے گا، اگر نہیں ملیا تے مل جائے گا، حکومت اینج دی غلطی فیر نہ دہرائے۔دریں اثنا چودھری پرویزالہی نال سابق ایم این اے چودھری نذیر جٹ، ڈاکٹر عارفہ نذیر، سابق صوبائی وزیر راجہ محمد بشارت، با رضوان تے مقصود سلہری نے ملاقات کیتی۔