کشمیر وچ مظالم دا پردہ چاک، بھارتی وفد دی قاسم سوری دی تقریر روکن دی کوشش

اسلام آباد: ڈپٹی سپیکر قاسم سوری نے مقبوضہ کشمیر وچ بھارتی مظالم دا پردہ چاک کیتا تے بھارتی پارلیمنٹرین وجے جولی بھڑک اٹھے، قاسم سوری دی تقریر روکن دی کوشش تے سکیورٹی نے بھارتی پارلیمنٹرین نوں ہال توں باہر کڈھ دتا۔

کانفرنس نال خطاب کردیاں ڈپٹی سپیکر قاسم سوری نے مقبوضہ کشمیر وچ بھارتی مظالم، کرفیو تے انسانی حقوق دی خلاف ورزیاں تے بھارت نوں آئینہ وکھایا تے سچ بھارتی پارلیمنٹرین نوں ہضم نہ ہویا۔ بلاجواز احتجاج کردیاں قاسم سوری نوں تقریر توں روکن دی کوشش کیتی پر قاسم سوری نے پوری جرات دے نال اپنی تقریر پوری کیتی تے بھارت نوں اک ہور عالمی ایوان وچ مسئلہ کشمیر تے منہ دی کھانی پئی۔

کانفرنس انتظامیہ نے وی بھارتی پارلیمنٹرین دے احتجاج نوں خاطر وچ نہ لیایا تے سخت کاروائی کردیاں کانفرنس توں ای چک کے باہر سُٹ دتا۔