تنقید کرن والیاں نوں سلام، اوہناں پاروں کرکٹ اُتے جائے گی: محمد رضوان

کراچی(پنجابی میڈیا گروپ)قومی کرکٹ ٹیم دے وکٹ کیپر بلے باز محمد رضوان نے آکھیاکہ تنقید کرن والیاںنوںسلام اوہناںدی وجہ نال ملک دی کرکٹ اُتے جائے گی۔کراچی وچ پریس کانفرنس کردیاں ہویاں محمد رضوان دا کہنا سی کہ ورلڈکپ 20لوکاں داکھیڈ نہیں اسیں سب حصہ دارہاں، نویاں چیزاں اُتے فوکس رکھدیاں ہویاں ماضی دیاں گلاں نوں بھُل کے اگے ودھنا ہوئے گا۔محمد رضوان دا کہنا سی کہ انٹرنیشنل کھیڈپریشر دا کھیڈ اے، تنقید کرن والیاںنوں سلام کیونکہ اوہ پاکستان لئی سوچ دے ، تنقید نال ملک دی کرکٹ اُتے جائے گی۔اوہناں نے آکھیا کہ کراچی دی پچز پنڈی توں مختلف اے، پچ تے کنڈیشن اہمیت دی حامل ہُندی اے تے مختلف کنڈیشنزوچ مختلف نتیجہ ہُندا اے۔قومی وکٹ کیپر بلے بازداہور کہنا سی کہ ٹیم وچ ہر کھیڈاری دی اپنی اپنی جگہ ہُندی اے، بیٹنگ آرڈراُوتے تھلے کرنامشکل ہُندا اے، 5نمبرتوں میں خوش نہیں ہاں مگرایہ ضروری نہیں کہ میں جوچاہواں اوہ مینوں ملے۔