سندھ حکومت دی ناقص کارکردگی، بلاول بھٹو زرداری صوبائی وزیراں تے برہم

کراچی: چیئرمین پیپلزپارٹی بلاول بھٹو زرداری نے وزیراں دی ناقص کارکردگی تے اظہار ناراضگی کردیاں وارننگ دتی کہ وزراء اپنا قبلہ ٹھیک کر لین۔ پیپلزپارٹی دے چیئرمین بلاول بھٹو زرداری دی سربراہی وچ سندھ اسمبلی وچ وزیراعلیٰ دے چیمبر وچ دو وکھرے اجلاس ہوئے، پہلے اجلاس وچ وزیراعلیٰ مراد علی شاہ، فریال تالپور، سپیکر آغا سراج درانی، مرتضیٰ وہاب تے ناصر حسین شاہ شریک سن، ادھا گھنٹہ جاری رہن والی ملاقات وچ سندھ کابینہ ارکان دی کارکردگی دا جائزہ لیا گیا۔ دوجے اجلاس وچ سندھ حکومت وے وزیراں نے رلت کیتی، بلاول نے وزیراں دی ناقص کارکردگی تے اظہار ناراضگی کیتا، اوہناں نے وزیر بلدیات، ٹرانسپورٹ تے محکمہ جیل خانہ جات دے محکمیاں دی کارکردگی نوں ہدف تنقید بنایا۔ ذرائع دے مطابق بلاول نے بعض وزیراں نوں ناں لے کے وارننگ وی دتی۔ اوہناں آکھیا وزراء اپنا قبلہ ٹھیک کر لین، پارٹی کول بہت آپشنز نیں تے ہن زیادہ برداشت نہیں کرسکدا۔