آرمی چیف سنے کسی نال وی مذاکرات لئی تیارہاں،عمران خان

اسلام آباد (پنجابی میڈیا)چیئرمین پاکستان تحریک انصاف عمران خان نے آکھیا اے کہ آرمی چیف سنے کسی نال وی مذاکرات لئی تیار ہاں،تالی دوناں ہتھاں نال وجدی اے،تالی دوناں ہتھاں نال وجدی اے،سیاستدان اختلافات نوں مذاکرات ذریعے حل کردے نیں نہ کہ بندوقاں ذریعے ،ایس ویلے پاکستان وچ قنون دی کوئی حکمرانی نہیں اے، ایہ جنگل دا قنون اے،حکومت عدالتاں دا حکم نہیں من رہیاں، جَد عدالت ریلیف دیندی اے تے حکومت کوئی پرواہ نہیں کردی۔برطانوی میڈیا نال گل بات کردیاں ہویاں عمران خان نے آکھیا کہ خدشہ اے ایتھے گل کرن نوں کوئی ہے ہی نہیں، موجودہ صورت حال وچ وزیراعظم غیر متعلق نیں ۔عمران خان نے آکھیا کہ اوہناں دے بیٹے اوہناں لئی فکر مندنیں، بیٹیاں نوں نہ صرف اوہناں دے قتل بلکہ جیل وچ جان دا وی خوف اے۔عمران خان نے آکھیا کہ میں اک سیاستدان ہاں، آرمی چیف، اسٹیبلشمنٹ سنے کسی نال وی مذاکرات چاہندا ہاں لیکن تالی دوناں ہتھاں نال وَجدی اے تے مینوں خدشہ اے ایتھے گل کرن لئی کوئی ہے ہی نہیں، اوہناں دے بیان پہلاں ہی سوشل میڈیا اُتے موجود نیں، بیان خوفزدہ کرنے والے نیں، اگر تُسی پڑھو تے اوہ کہہ رہے نیں کہ جووی ہویا اوہ ہر صورت میری پارٹی پی ٹی آئی ختم کر دین گے۔