شہیداں دیاں یادگاراںدی بے حرمتی نوں قوم کدی معاف نہیں کرے گی،آرمی چیف

راولپنڈی(پنجابی میڈیا گروپ)پاک فوج دے سربراہ جنرل سید عاصم منیر نے آکھیا اے کہ جو کجھ 9 مئی نوں ہویا اوہ انتہائی افسوسناک تے قابل مذمت اے،شہیداں دیاں یادگاراں دی بے حرمتی تے اوہناں دے وقارنوں مجروح کرن والیاں نوں قوم نہ معاف کرے گی نہ ہی بھُلے گی تے ایس امر نوں برداشت نہیں کیتا جائے گا، پاک فوج، پلس تے قنون نافذ کرن والے ادارے ریاست دی علامت تے سیسہ پلائی دیوار دی مانند نیں جیہڑے ملک و قوم دے وقار خاطر کسی قربانی توں دریغ نہیں کردے،شہیداں دیاں قربانیاں نوں کوئی زائل نہیں کر سکدا۔جمعرات نوںآئی ایس پی آر ولوں جاری بیان مطابق یومِ تکریمِ شہداء پاکستان دے حوالے نال چیف آف آرمی سٹاف جنرل سید عاصم منیرنے پلس لائن اسلام آباد دا دورہ کیتا۔آرمی چیف نے اسلام آباد پلس دے آفسراں تے جواناں نال پلس دی شہیداں دے وارثاں نال خطاب کردیاں ہویاں آکھیاکہ جو کجھ9مئی نوں ہویا،اوہ انتہائی افسوسناک تے قابلِ مذمت اے۔