اپنی شہرت تے ناں استمعال کرکے دین دی خدمت کرنا چاہنا اآں حمزہ علی عباسی

اداکار حمزہ علی عباسی دا کہنا اے اوہ اپنی شہرت ، مقبولیت تے ناں نوں استعمال کرکے دین دی خدمت کرنا چاہندے نیں۔ حمزہ علی عباسی نے وائس آف امریکا نوں انٹرویو دیندیاں اداکاری چھڈن تے دین دی راہ اپنان بارے کھل کے گل کیتی تے اپنے مستقبل دے منصوبیاں توں وی آگاہ کیتا۔

میزبان نے حمزہ علی عباسی توں پچھیا سوشل میدیا تے جتھے اوہناں دے ایس فیصلے نوں سراہیا جا رہیا اوتھے کجھ لوک تنقید کردیاں کہہ رہے نیں تسیں ایہ سب سستی شہرت لئی کیتا اے۔ میزبان دے ایس سوال تے حمزہ علی عباسی نے ہسدیاں جواب دتا جے مینوں پبلسٹی چاہیدی ہوندی تے میرے خیال وچ سب توں چنگا میڈیم تے ایکٹنگ ای سی جے میں ایہ سب صرف پبلسٹی لئی کیتا تے میں بڑا بیوقوف آں۔

بعدوں حمزہ علی عباسی آکھیا اداکاری دے دوران اوہناں نوں اللہ تعالیٰ نے بہت شہرت نال نوازیا تے اوہناں دے سارے پراجیکٹ سپر ہٹ ثابت ہوئے ایس لئی شہرت تے اوہناں کول پہلاں توں موجود سی۔