پچھلے وزیراعظم نوازشریف علاج لئی لندن روانہ

نوازشریف لہور ائیرپورٹ جان لئی سخت سیکیورٹی وچ جاتی امرا توں روانہ ہوئے
لہور(سٹی رپورٹر) پچھلے وزیراعظم نوازشریف علاج لئی لہور توں لندن روانہ ہوگئے۔میاں نوازشریف لہور ائیرپورٹ جان لئی سخت سیکیورٹی وچ جاتی امرا توں روانہ ہوئے۔ایس موقع اتے ایہناں دی رہائش گاہ دے بارموجود کارکنان نے نعرے باز ی کیتی تے ایہناں دی گڈی اتے پھول نچھاور کیتے۔

ائیرپورٹ آپڑن اتے نوازشریف دی روانگی لئی امیگریشن دی کارروائی مکمل کیتی گئی۔

جہدے بعد ایہناں دا ایئرایمبولینس وچ چیک اپ کیتا گیا ۔چیک اپ دے ویلے نواز شریف دے پلیٹ لیٹس دی تعداد 40 ہزار سی۔چیک اپ دے بعد ائیرایمبولینس نے تقریباً ساڑھے 10 بجے لہور دے علامہ اقبال ائیرپورٹ توں اڑان بھری۔نوازشریف دے ہمراہ ایہناں دے بھائی شہباز شریف تے ذاتی معالج ڈاکٹر عدنان سنے 7 افراد لندن روانہ ہوئے نیں۔پچھلے وزیراعظم ن وں لے کے ائیر ایمبولینس پہلے قطر دے شہر دوحہ آپڑے گی۔ جتھے اک گھنٹہ چالیس منٹ دے قیام ہووے گا۔

اپنا تبصرہ گھلو