سندھ دے16ضلعیاں وچ ضمنی بلدیاتی الیکشن لئی پولنگ دا عمل شروع

کراچی(پنجابی میڈیا گروپ)سندھ دے 16ضلعیاں وچ ضمنی بلدیاتی الیکشن لئی پولنگ دا سلسلہ جاری اے۔پولنگ دا عمل شام پنج وجے تک بلاتعطل جاری رہے گا، ایس موقع اتے سکیورٹی دے سخت انتظام کیتے گئے نیں۔26یونین کونسلاں دیاں نشستاںاتے116امیدوار آمنے سامنے نیں، صوبے بھر وچ182پولنگ سٹیشن قائم کیتے گئے نیں۔شہر قائد وچ چیئرمین، وائس چیئرمین تے جنرل ممبر دیاں9نشستاں اتے پولنگ جاری اے،9نشستاں اتے پیپلز پارٹی، جماعت اسلامی تے پی ٹی آئی سنے54 امیدوار میدان وچ نیں۔ضلع ملیر، ضلع کیماڑی، ضلع جنوبی وچ چیئرمین دیاں نشستاں اتے الیکشن ہورہے نیں جدکہ ضلع ملیر تے ضلع جنوبی وچ وائس چیئرمین دیاں نشستاں اتے وی پولنگ جاری اے۔ضلع ملیر، ضلع شرقی تے ضلع وسطی وچ وارڈ ممبراں دیاں نشستاں اتے الیکشن ہورہے نیں۔ضمنی الیکشن والے حلقیاں وچ رجسٹرڈ ووٹراں دی تعداد2لکھ 6ہزار686 اے، شہر قائد وچ 121پولنگ نوں حساس تے انتہائی حساس قرار دتا گیا اے۔