جھوٹی افواہ:مہوش حیات نوں کورونا؟ او سُن کے غصہ اندر آگئی

کراچی: اداکارہ مہوش حیات نے کورونا وائرس وچ مبتلا ہون دی افواہواں نوں رد کردیاں ایس سوشل میڈیا پلیٹ فارم نوں آڑے ہتھاں لیا اے جہنے بغیر تصدیق کیتے اوہناں وچ کووڈ 19مثبت آن دی افواہ پھیلائی سی۔ پچھلے دیہاڑ اک سوشل میڈیا پلیٹ فارم دے ٹوئٹر اکاؤنٹس توں مہوش حیات دے کورونا وائرس وچ مبتلا ہون دی خبر شیئر کردیاں آکھیا گیا سی کہ غیر مصدقہ اطلاعواں دے مطابق اداکارہ مہوش حیات وچ کورونا وائرس دا ٹیسٹ مثبت آیا اے۔ ایہدے نال اوہناں نے مہوش حیات لئی دعا دی درخواست وی کیتی سی۔ مہوش حیات نے ایس ٹوئٹ تے ردعمل دیندیاں ایس خبر دی نہ صرف تردید کیتی سگوں بغیر تصدیق کیتے ایہ خبر شیئر کرن تے بھڑک اٹھی تے آکھیا میرے کورونا وچ مبتلا ہون دی خبراں وچ کوئی سچائی نہیں۔ آس کرنی آں ساڈا میڈیا زیادہ ذمہ داری دا مظاہرہ کرے تے ایس طرح دی خبراں شیئر کرن توں پہلاں حقائق نوں جانچ لوے۔