کُڑیاں نوں روٹی ٹُکر بناون توں علاوہ ہور چیزاں اُتے وی دھیان دینا چاہیدا اے!صنم جنگ

کراچی :مارننگ شو دی میزبان تے اداکارہ صنم جنگ نے اپنے آپ نوںکم چور آکھن آلیاں نوں جواب دیندیاں ہویا آکھیا کہ دنیا وچ کھانا پکاون تو علاوہ ہو ر وی چیزاں نے جناں اُتے کڑیاں نوں دھیان دینا چائی دا اے۔اداکارہ صنم جنگ نے یوٹیوب اُتے اک ویڈیو شیئر کیتی جیدے وچ اوہ اپنی ماں دے نال سیویاں بنا رئی ا ے تے نال نال اوہ ایہہ وی دس رئی اے کہ ایہناں نوں کھانا بلکل وی پکانا نئیں آندا تے ویڈیو وچ کدی اوہ ددھ نوں ہلاندی تے ہور وی سارا کم اپنی امی دے نال کرواندی نظر آندی اے۔
صنم جنگ نے تاں اے مزاحیہ ویڈیو سوشل میڈیا تے شیئر کر دتی جد کہ صارفین نے ایہناں نوں شادی شدہ ہوون دے باوجود کوئی وی کم چج نال نہ آون تے چنگا مذاق بنایا ۔
قدیر نامی صارف نے لکھیا کہ تسی انتہائی کم چور کڑی او تہاڈی امی نے تہا ڈی تربیت چنگی نئیں کیتی صرف نوکری کرنی ای سکھائی اے
گھر دا کوئی کم نئیں سکھایا جو کہ بہت ضروری اے ۔تسی اک ٹائم دی روٹی نئیں بنا سکدیاں تے اگے اپنیاں دھیاں نو کی سکھاؤگے ۔
صنم جنگ نے سوشل میڈیا صارفین دے ولوں کیتی جان والی تنقید دا جواب دیندیاں ہویاں آکھیا کہ ساری تربیت کھان بناون تے ای مکدی اے ؟تے میں اپنی دھی نوں کھانا بنانا سکھاواںگی ؟کھانا بناون تو علاوہ ہو ر وی چیزاں نے جناں یتے کڑیاں نوں دھیان دینا چائی دا اے ۔