پٹرول دی ذخیرہ اندوزی وچ ملوث کمپنیاں دے خلاف کاروائی روکن دی عرضی رد

اسلام آباد: اسلام آباد ہائی کورٹ نے پٹرول دی ذخیرہ اندوزی وچ ملوث کمپنیاں دے خلاف کاروائی روکن دی عرضی رد کر دتی۔ چیف جسٹس اسلام آباد ہائی کورٹ نے آئل کمپنیاں دی عرضی تے فیصلہ سنا دتا جہدے وچ آکھیا گیا اے ایگزیکٹو نوں ذمہ داراں دے تعین دی انکوائری توں نہیں روکیا جا سکدا۔ عدالت نے پٹرول دی ذخیرہ اندوزی وچ ملوث کمپنیاں دے خلاف کاروائی روکن تے آئل کمپنیاں دی حکم امتناع جاری کرن دی عرضی وی رد کر دتی۔ فیصلے وچ ہور آکھیا گیا اے کسے بحران تے انکوائری توں درخواست گزاراں دے بنیادی حقوق متاثر نہیں ہوندے، اسلام آباد ہائی کورٹ نے پٹرول بحران انکوائری تے وی فریقین نوں غیر ضروری بیانات توں روک دتا۔