مختصر کپڑے نہیں پا سکدی ایس لئی فلم وچ کم نہیں کردی: سارہ خان

کراچی: پاکستان دی خوبرو اداکارہ سارہ علی خان نے فلماں دا حصہ نہ بنن دی وجہ دس دتی اے۔ پاکستان دی خوبصورت اداکارہ سارہ علی خان دا ٹی وی انڈسٹری وچ وڈا ناں اے۔ اپنی اداکاری تے خوبصورتی دی وجہ توں مداض اوہناں دے دیوانے نیں تے انڈسٹری وچ تنازعات توں دور رہن والی اداکاراں دی فہرست وچ شامل کیتی جاندیاں نیں۔ اداکارہ نے ’دیوار شب، میرے بے وفا، تمہارے ہیں، تم میرے ہو، استانی جی، میرے ہمدم‘ سنے کئی ڈرامیاں وچ کم کیتا اے۔ اداکارہ توں اک ٹی وی شو دے دوران پچھیا گیا ڈرامیاں وچ کامیابی دے بعد اوہناں نے ہن تک فلماں وچ کم کیوں نہیں کیتا جہدے تے اوہناں آکھیا کم کرن بارے اوہناں دے کجھ اصول نیں جہڑے اوہ کدی وی نہیں توڑنا چاہندیاں۔اداکارہ آکھیا اوہناں نوں فلماں دی آفر وی ہوئی سی پر آفر اوہناں نے ٹھکرا دتی کیوں جے اوہ غیر اخلاقی مناظر عکس بند نہیں کر اسکدیاں تے نہ ای مختصر کپڑے پا سکدیاں نیں جہڑے اوہناں دے واضح اصول نیں جہڑے اوہ کدی نہیں توڑن گیاں۔