کروڑاں دلاں اُتے راج کرن والی شہزادی ڈیانا دا اج 59واں جنم دیہاڑ

لندن : پری ورگا ہاسا تے کروڑواں دلاں اُتے راج کرن والی شہزادی لیڈی ڈیانا دا59واں جنم دن اج اے،اوہ 31اگست1997نوں پیر س وچ کار حادثے وچ زندگی دی بازی ہار گئی سی،پری ورگا چہرہ ، پُر کشش تے دلفریب ہاسا رکھن والی لیڈی ڈیانا اک ہی سی ۔نہ ہی اوس بعد کوئی آئے گی ، پرنسس آف ویلز یکم جولائی 1961نوں برطانیہ دے علاقے نور فوک وچ دُنیا اُتے آئی ,29جولائی 1981نوں برطانیہ دے ولی عہد شہزادہ چارلس نال اوہناں دی شادی ہوئی،اوہناں دی شادی نوں فیری ٹیل میرج آکھیا گیا تے دُنیا بھر دے کروڑاں لوکاں نے اوہناں دی شادی ہندیاں ویکھی، اوہناں دے دو پُتر شہزادہ ولیم تے شہزادہ ہیری نیں ، دُنیا دے ایس مقبول ترین شاہی جوڑے نوں 16سال بعد اگست1996نوں طلاق ہو گئی ، ڈیانا دی پوری دُنیا اندر مشہوری دا سب توں وڈا سبب اوس دی خوبصورتی سی
طلاق توں بعد وی اوس دی مقبولیت اندر کوئی کمی نہیںآئی ، اپنی ذاتی زندگی دی لڑائی توں دل برداشتہ ہو کے وی اوہناںنے اپنے آپ نوں مختلف کماں اندر مصروف رکھیا ، او ہ پاکستان وی آئی تے شوکت خانم ہسپتال لئی چندہ وی اکٹھاکیتا،شہزادی ڈیانا 31 اگست 1997 نوں پیرس وچ اک کار دے ایکسیڈنٹ نال ایس دُنیا توں چلی گئی لیکن اوہناں دی پُر کشش شخصیت نوں ہمیشہ یار رکھیا جائے گا۔

اپنا تبصرہ گھلو