تاجراں نوں FBRآن لائن نظام وچ رجسٹریشن لئی ہور 2 مہینے دی مہلت

اسلا آباد: ایف بی آر نے ٹئیرون اندر شامل تاجراں نوں پوائنٹ آف سیل نصب کر کے آن لائن سسٹم نال منسلک ہون لئی ہور 2 مہینے دا ٹائم دے دتا گیا،ایف بی آر ولوں حوصلہ افزا نتائج نہ ملن دے باعث ڈیڈ لائن اندر بار بار تو سیع کیتی جا رہی اے ،ایس توں پہلاں 31مارچ تک ٹائم دتا گیا سی ،فیر 30اپریل، فیر30جون تے ہن31اگست تک کر دتا گیا اے،لیکن ایس لئی تاجراں نوں 20اگست تک متعلقہ ریجنل ٹیکس آفس تے لارج ٹیکس پیئر یونٹ نوں تحریری طور تے آگاہ کرنا پئے گا ،ایس حوالے نال با ضابطہ نو ٹیفکیشن جاری کر دتا گیا اے،ایس سسٹم دے نصب ہوون تے ٹئیرون اندر شامل دکانداراں دی سیل رئیل ٹائم بیناداں اُتے مانیٹر ہو سکے گی،سینئر افسراں نے آکھیا کہ دوکانداراں نوں سسٹم دے نال نال انٹی گریٹ کرن وچ مشکل پیش آ رہی سی،لیکن کورونا پاروں وی تاجر تنظیماں ولوں ایف بی آر نوں آکھیا جا رہیا اے کہ دکانداراں نوں کجھ ٹائم دتا جائے،ایس تو ں بعد کوئی ٹائم نہیں دتا جائے گا ، جو دکاندار ایس سسٹم اُتے عمل نہیں کرن گے اوہناں دے خلاف سیلز ٹیکس ایکٹ1990دے تحت کارروائی کیتی جائے گی،کجھ ذرائع توں پتہ چلیا اے کہ ایف بی آر سسٹم نال منسلک ہون والے کجھ سٹوراں تے تاجراں نوں رعایتی سیلز ٹیکس دی سہولت ملے گی