آصف زرداری تے پارک لین ریفرنس وچ فرد جرم لاگو کرن دی کاروائی موخر

اسلام آباد: احتساب عدالت نے آصف زرداری تے فرد جرم لاگو کرن دی کاروائی موخر کر دتی۔ احتساب عدالت دے جج اعظم خان نے پارک لین ریفرنس دی سماعت کیتی۔ آصف زرداری ویڈیو لنک دے راہیں عدالت وچ پیش ہوئے تے اوہناں دی حاضری لائی گئی۔ آصف زرداری دے وکیل فاروق نائیک نے فرد جرم لاگو ہون توں روکن لئی اک ہور درخواست دیندیاں آکھیا جدوں تک کم دی گلاں نہ ہون اودوں تک فرد جرم لاگو نہیں کیتی جا سکدی۔ عدالت نے آکھیا تسیں عین اوس دن درخواست دائر کر رہے او جدوں سب چیزاں تیار نیں تے فرد جرم لاگو کرنا اے۔ فاروق نائیک نے آکھیا ایہدے لئی پڑھنا پیندا اے۔ چیزاں کڈھنی پیندیاں نیں، گورنر اسٹیٹ بینک لئی قنون دے مطابق نوٹس دینا ضروری سی، اسیں مہینہ نہیں منگ رہے، مناسب ویلا دیو، اگلے منگل نوں ایہ کیس سماعت لئی رکھ لوو، میں ریسرچ کرنی اے۔ عدالت نے سابق صدر آصف زرداری تے فرد جرم لاگو کرن دی کاروائی موخر کردیاں پارک لین ریفرنس دی سماعت 14جولائی تک ملتوی کر دتی۔