سعودی عرب، عالمی وباء دے دوران ہون والے حج دے قواعد و ضوابط جاری

ریاض: سعودی عرب نے عالمی وباء دے دوران ہون والے حج دے قواعد و ضوابط جاری کر دتے۔ سعودی حکام دا کہنا اے 28ذیقعد توں 12ذی الحج تک منیٰ، مزدلفہ تے عرفات وچ بغیر اجازت کوئی نہیں جا سکے گا، خانہ کعبہ تے حجر اسود نوں چھونا منع ہووے گا، مطاف جان والیاں دی قافلہ بندی ہووے گی۔ حفاظتی ماسک تے دستانے پانا لازمی ہون گے۔ حاجیاں نوں بند پیکٹاں وچ کھانا پیش کیا جائے گا، سماجی فاصلہ برقرار رکھنا ہووے گا، عازمین اک دوجے دی چیزاں استعمال نہیں کر سکن گے، نمازی اک دوجے توں دو میٹر دے فاصلے دی پابندی کرن گے۔