لوک اپنا بندوبست کر لین اساں تجاوزات ہر حال میں ڈیگنیاں نیں: شیخ رشید

کراچی( بھلیکھا ٹی وی )وزیر ریلوے شیخ آکھیا اے عدالت عظمیٰ دا ساڈے اُتے دباء اے۔ لوک اپنا بندوبست کر لین اسیں تجاوزات ڈیگنیاں نیں۔ شاہ عبداللطیف ریلوے سٹیشن تے میڈیا نال گل کردیاں وزیر ریلوے شیخ رشید دا کہنا سی کے سی آر دا کم شروع ہون لگا اے، سندھ سرکار دا پورا تعاون اے، ایس حوالے نال وفاق تے سندھ سرکار دی کوئی لڑائی نہیں، کے سی آر تے سندھ تے وفاق ایک پیج تے نیں۔ وزیر ریلوے آکھیا ہر پندرہ دن بعد کراچی آواں گا، ساڈے ولوں کم شروع اے 12کلومیٹر مکمل کر لیا ساڈے کول 30کلومیٹر اے، سندھ سرکار دے نال رل کے تجاوزات دی نشاندہی کیتی جا رہی اے۔ لوک اپنا بندوبست کر لین اسیں تجاوزت ہر حال وچ ڈیگنیاں نیں، تجاوزات دے خاتمے لئی عدالت عظمیٰ دا دباء اے۔ شیخ رشید نے ہور آکھیا سپریم کورٹ دے فیصلے تے مکمل عملدرآمد کراں گے ، سندھ سرکار توں درخواست اے جہڑے لوک بے گھر ہون گے اوہناں نوں متبادل جگہ فراہم کرے، جیویں سپریم کورٹ دا کے سی آر بحالی لئی جذبہ اے، ایسے طرح وفاق تے صوبائی حکومت دا جذبہ ہونا چاہیدا اے۔